Riba petishon di hopi i prinsipalmente nos grandinan e eskritor Echi Cijntje den e obra aki ta bolbe hiba e lesadó den e Kòrsou di doshen aña patras, den e lastu sinkuenta añanan promé ku liberashon. Esnan ku a lesa su promé obra ‘Gacha, e mucha di Sabaneta’, a keda ku deseo di lesa otro historia bunita ku ta hiba nan bek den e tempu ei. E eskritor ta komplasé nan ku esei den e obra aki i ku hopi gratitut e ta felisitá su lesadónan i prinsipalmente nos grandinan i nos hendenan muhé pa por presentá na nan e obra aki, miéntras ku palabranan di rekonosimentu ta bai tambe pa e hende hòmbernan ku ta lesa su obranan.
Kohú di Sabaneta ta e historia di un katibu hòmber di kurpa grandi i fuerte ku tabata biba na Plantashi Sabaneta i ku, aparte di e trabou pisá ku e tabatin di hasi, tabata wòrdu usá tambe pa fertilisá muhénan katibu di kurpa grandi, tantu di Sabaneta mes komo di otro plantashinan. Kosnan ta kambia ora ku en muhé blanku, hóben i bunita, i ku tabata biba na Punda bini Sabaneta i namorá di Kohú, algu inakseptabel pa e tempu ei. Mas pió kosnan ta bira ora ku sali na kla e bèrdat tras di e mucha muhé blanku aki. E eskritor ta spera ku e lesadó lo disfrutá di e obra aki.
