Schrijvers: James Franklin Wilson • Toon Tellegen • Hans Hagen • Loekie Morales • Sjoerd Kuyper • Joke van Leeuwen
Meimei di oséano tin un isla. Un pachi bieu ta rema bai na e Isla ei tur anochi den un boto chikitu. E ta hiba un karga straño kas. Kiko e karga ei ta, bo por lesa den e kuenta E zumbi di kuenta.
E islanan di unda e kuentanan den e buki akí ta bini, ta keda den e parti di mundu kamında semper solo ta bria. Of nò? Den e kuenta Solo di Saba nan a hòrta solo for di shelu…
Riba un isla kalor asina, bida mester ta dushi. Pero den Aventura di Gruñadó, e yuan bieu, shinishi i wapu bo por lesa ku un bida dushi asina tòg tin su menasanan…
Meimei di dia, ora solo ta kushi, bo ta buska sombra di un palu grandi. Den Papito i e palu kontadó di kuenta bo ta deskubrí ku sierto palu bieu bieu bieu tin muchu mas di duna ku sombra so. Nan sa kuenta ku un i tur mester skucha. Kuenta ku ningun hende no por lubidá!
Den e buki akí bo ta haña kuentanan misterioso, poétiko i maravioso di outornan ku tur stima solo, awa, kalor i isla: Toon Tellegen, Hans Hagen, Sjoerd Kuyper, James Franklin Wilson i Loekie Morales. Tambe tin teksto di mucha Arubano i Antiano. Joke van Leeuwen a laga nan mes papia tokante bida riba nan Isla.
