Djaluna 26 di aprel, Padú, e tata di e kultura di Aruba, lo a kumpli 101 aña.
Riba e fecha di 101 aña di su natalisio, Edjean Semeleer a presentá un konsierto kombiná ku un dokumental hopi speshal na su honor.
Aña pasa na okashon di e selebrashon di e sentenario di Padú, Stan Kuiperi a skirbi un buki dedika na e karera eksepshonal di Padú durante 8 dekada komo pintor.
Padú a laga un herensha di balor nashonal atras pa siguiente generashonnan.
Esaki por wordu kategorisá den dos parti.
E prome parti ta su legado artistiko grandi i permanente ku e akapara su pinturanan, su literatura i su músika.
E di dos parti ta su personalidat karakterisá pa su gratitut profundo pa tur bendishonnan risibí i su rèspèt sinsero pa dignidat i balornan humano.
Prins Bernhard Cultuurfonds Caribisch Gebied ta hopi orguyoso di por a spònser ambos proyekto.
