Creative Synergy, un proyekto pa stimulá e hóben adulto pa krea muzik a base di sintimentu i huzando instrumentonan tradishonal ku metodonan inovativo.
Kenneth Engelhardt su meta ku e proyekto aki tabata pa e hóbennan wordu inspirá pa stima nos muzik i mira e potenshal den nos muzik tradishonal i pa asina duna nan e smak pa studia músika i òf arte en general.
E evento aki a tuma lugá dia 30 di aprel último riba dia internashonal di Jazz, ku e enfoke riba e parti di improvisashon ku ta karakterisá Jazz.
Nan a duna públiko otro perspektiva di loke por wordu konsiderá komo Jazz.
Prins Bernhard Cultuurfonds ta un spònser orguyoso.
